නිමිත්ත: හැටන් සිට නුවර බලා පොඩි මැණිකේ දුම්රියෙන් එනවිට, චාරිකාවක් නිමවී කොළඹ බලා යන තරුණියෙකු ඉදිරිපස අසුනේ සිටියි.
***
රෙක්සෝනා සුවඳ වහගත්තා
පොඩි මැණිකේ..
කොස්හින්නෙන් කාපු වඩ සැර වැඩි
වද කෙල්ලේ..?
චිස් ගාලා පැන්න දාඩිය ටික
සුදු නළලේ..
මස්කාරා ගාං ට්රිප් යනවද
කැරි අව්වේ?
***
Image: AI generated art [https://www.craiyon.com/]
හන්තානට පායන සඳ ලස්සනයිද බලන්න
ජපුරේ මෙන් මටම තුනක් දාගෙන රස විඳින්න
කොළඹින් හරි පොෂ් බඩුවක් අරගෙන චැට් කොරන්න
ආසයි මට කෙදිනක හෝ කැම්පස් ගොඩ වදින්න
අයියලාට ඕනේ තරම් නවක වදය කරන්න
ඊළඟ වසරේ අපටත් චාන්ස් එකක් ලැබෙන්න
උද්ඝෝෂණ, පිකටින්, වර්ජන ඕනේ තරම් කරන්නආසයි මට කෙදිනක හෝ කැම්පස් ගොඩ වදින්න
ලවර්ස් ලෙන් වල ඇති පුටු නොමඳව රත් කරන්න
කජු කැල වල සිරී පාදේ පාළුව නැති කරන්නමල්වත්තේ වවුල් කැලේ අඳුර මැදින් දුවන්නආසයි මට කෙදිනක හෝ කැම්පස් ගොඩ වදින්න
නිදි මර මර අඩ සිහියෙන් ලේක්චස් වල ඉඳින්න
රෑ වෙනකන් හොස්ටල් වල පාඩම් වැඩ කරන්නහිතෙට හිතෙන ගතට දැනෙන කුරුටු වදන් කොටන්න
ආසයි මට කෙදිනක හෝ කැම්පස් ගොඩ වදින්න
පැතලි හැඩැති කළු තොප්පිය දාගෙන ජොගි නටන්න
රෝල් කරපු ඩිග්රි කොලේ ඇරගෙන කයි ගහන්න
සමාජයේ පුංචි තැනක් මටම කියල හදන්න
ආසයි මට කෙදිනක හෝ කැම්පස් ගොඩ වදින්න
